ციფრული სკოლა ეს მომავლის სკოლაა

ინტერვიუ ესტონეთის განათლებისა და კვლევის სამინისტროს მრჩეველთან
 ქალბატონ ულლა კამპთან.

   სსიპ ქალაქ თბილისის N45 საჯარო სკოლის ლიდერთა გუნდი მუშაობს ციფრული სტრატეგიის დიზაინზე. შთაგონებისთვის დავგეგმეთ ინტერვიუ ულლა კამპთან. იგი გახლავთ ესტონეთის განათლებისა და კვლევის სამინისტროს მრჩეველი და საქართველოში იმყოფებოდა მისიით გაეცნო ქართველებისთვის ესტონეთისა და სხვა ევროპული სკოლების გამოცდილება.
  მოვახერხეთ ქალბატონ ულლასთან გასაუბრება, ჩვენთვის საინტერესო თემაზე, რისთვისაც მას დიდ მადლობას ვუხდით. მან აღნიშნა, რომ ესტონეთში განსაკუთრებული ყურადღება ეთმობა ციფრული ტექნოლოგიების სწავლებას სკოლებში და მოხარულია, რომ ამ პრაქტიკის გაზიარება მოხდება საქართველოშიც.
     მთავარი მესიჯები, რომელიც ქალბატონ ულლასგან მივიღეთ:
  ესტონეთის სკოლებში ციფრული ტექნოლოგიების სწავლება სხვა საგნებთან ინტეგრირებულად ხდება. თავდაპირველად ამ პროცესში ჩართვა ესტონელ მასწავლებლებსაც გაუჭირდათ, რადგან ისინი მიჩვეული იყვნენ ძველ ტრადიციულ მეთოდებს, არ იცნობდნენ ციფრულ ტექნოლოგიებს, მათ არ უნდოდათ თავისი კომფორტის ზონიდან გამოსვლა. რაც შეეხება მოსწავლეთა მზაობას, უფრო მაღალი იყო, მათ მეტი იცოდნენ ციფრული ტექნოლოგიების მიმართულებით. ამიტომ, კარგი იქნება მოსწავლეთა ცოდნის გამოყენება ამ მიმართულებით, რადგან წარმატებისათვის მნიშვნელოვანია მოსწავლეთა ჩართულობა და მონაწილეობა.
   სკოლამ მუდმივად უნდა იზრუნოს მასწავლებლებისა და მოსწავლეების ციფრული კომპეტენციის ამაღლებაზე.
   იმისათვის , რომ სკოლა გაძლიერდეს , საჭიროა დაიწეროს სკოლის ციფრული ხედვა, კონკრეტულად, საგნობრივად გაწერილი, ვიზუალურად კარგად აღსაქმელი.ამ პროცესში უნდა ჩაერთვნენ სხვადასხვა სპეციალისტები. სკოლამ კარგად უნდა გაანალიზოს სად არის, საით მიდის, და სად უნდა მივიდეს.
  აუცილებლად დაცული უნდა იყოს მოსწავლეთა ინტერესი. მასწავლებელი წინასწარ უნდა მოემზადოს როგორი რესურსებით შევა მოსწავლეებთან . მასწავლებელი თავად არის პასუხისმგებელი იდენტიფიცირება მოახდინოს იმ პრობლემებისა, კომპეტენციების უნარებისა, რომლის გაძლიერებაც სურს წლის განმავლობაში.
    ციფრული სკოლა - ეს მომავლის სკოლაა.